Arabia Saudite do të lejojë Turqinë të kërkojë në konsullatën e saj në Stamboll, për gazetarin e shquar Jamal Khashoggi, i cili ka humbur prej tre ditësh, pas hyrjes në misionin diplomatik këtë javë.
“Objektet janë territor sovran, por ne do t’i lejojmë ata të hyjnë, të kërkojnë dhe të bëjnë çfarë të duan. Ne nuk kemi asgjë për të fshehur”, tha Princi i Kurorës Mohammed bin Salman, në një intervistë për Bloomberg.
Ai tha se Khashoggi ishte larguar nga ndërtesa jo shumë kohë pasi hyri aty. I pyetur nëse Khashoggi përballet me akuza në Arabinë Saudite, Princi Mohammed tha se ishte më e rëndësishme të zbulohej se ku ishte ai.
Grupet e të drejtave të njeriut i kanë bërë thirrje Arabisë Saudite që të verifikojë vendndodhjen e Khashoggit, pasi autoritetet turke dhe saudite ofruan informacione kontradiktore për zhdukjen së tij, me Ankaranë duke thënë se nuk ka dëshmi se ai la misionin diplomatik dhe Riadin duke thënë se ai u largua në të njëjtën ditë.
Khashoggi, i cili ka jetuar në ekzil në Uashington vitin e kaluar, nga frika e ndëshkimit për pikëpamjet e tij kritike, hyri në konsullatë të martën për të siguruar dokumentacionin për një martesë të ardhshme, sipas të fejuarës së tij, e cila e priste jashtë.
Nëse Arabia Saudite kishte arrestuar Khashoggin pa e pranuar atë, ndalimi i tij do të përbënte një zhdukje të detyrueshme, tha Human Rights Watch të enjten. Ajo i bëri thirrje Turqisë të thellojë hetimin e saj në këtë rast.
“Barra e provës është në Arabinë Saudite për të prodhuar dëshmi për pretendimin e saj se Khashoggi u largua vetëm nga konsullata dhe se agjentët sauditë nuk e kanë arrestuar atë”, tha drejtoresha e Lindjes së Mesme, Sarah Leah Whitson.
Vëzhguesit e lirisë së shtypit ngritën gjithashtu flamuj të kuq, ndërsa Washington Post, i cili ka botuar rregullisht shkrimet e Khashoggit që nga viti i kaluar, botoi një hapësirë bosh, aty ku kolona e tij duhej të shfaqej normalisht.
