Gjashtë llojet e punëve të cilat mundë të mos ekzistojnë pas 10 vitesh

Nëse jeni duke menduar se cilat janë punët për një karrierë të suksesshme në të ardhmen, bëni mirë që këto 6 lloje mos t’i mendoni fare.

1) Arkëtare për shitjet me pakicë

Me fluksin e arkave të vetë-shërbimit, arkëtari me pakicë përfundimisht do të zhduket si alternativë. Teknologjia do të avancojë aq shumë, sa konsumatorët do kenë më pak ndërveprim njerëzor.

2) Agjent shitjesh nëpërmjet telefonit

Në ditët e sotme, njerëzit nuk e përdorin aq shumë telefonin sa më parë. Ata preferojnë të përdorin mënyra të tjera më efikase të komunikimit si email apo mesazhet. Me rritjen e email marketing-ut, këto vende pune të zakonshme nuk do të gjenden më.

3) Agjent udhëtimi

Rezervimi i udhëtimeve nëpermjet internetit do të nxjerrë jashtë loje agjentët e udhëtimit. Nuk do të kemi më nevojë për një person të palës së tretë për të na gjetur paketat më të mira turistike sepse interneti e ka bërë më të lehtë për ne, shkruajn mediat e huja, transmeton Telegrafi.

4) Shofer taksie

Thirrja për një taksi do të jetë jo-ekzistente në të ardhmen me rritjen e aplikacioneve me teknologjinë GPS. Shoferët e taksive do të duhet të ndjekin trendin në mënyrë që të mbajnë gjallë punën e tyre.

5) Botues dhe printues

Nuk është çudi që mediat e shkruara të veniten pak e nga pak si industri. Konsumatorët janë më tepër të prirur drejt dixhitalizmit kur bie fjala për argëtim dhe lajme. Nuk mbetet gjë tjetër veçse të ndjekim shijet e konsumatorëve.

6) Postier

Me zhvillimin e teknologjisë dhe komunikimit me e-mail, nevoja për punëtorët e postës ka rënë gradualisht. Me hapjen e kompanive private që zënë vendin e postës, kjo punë ka pak mundësi për rritjen dhe avancimin e karrierës.

SHPËRNDAJE