Chester Bennington, këngëtar dhe tekstshkrues, anëtar i grupit të famshëm Linkin Park, vdiq pasi kreu vetëvrasje duke varur veten në moshën 41 vjeçare.
Vdekja e këngëtarit tronditi komunitetin e muzikës, në të cilin ai ka qenë i njohur si një nga pionerët liderë të zhanrit “nu-metal”.
Bennington ia shkroi një letër emocionuese mikut të tij dhe këngëtarit Chris Cornell, i cili vdiq në maj të këtij viti.
Në letër, ai prekë pikëllimin e tij, se si e inspiroi ai, se si e ndjeu se Cornell po thoshte “lamtumirë në mënyrën e tij”, transmeton Express.
Lexojeni letrën e plotë më poshtë:
“Ëndërrova për Beatles mbrëmë. U zgjova me Rocky Raccoon duke luajtur në kokën time dhe me një shikim të brengosur të fytyrës së gruas sime.
Ajo më tha se miku im kishte ndërruar jetë. Mendimet për ty përmbytën mendjen time dhe qava. Jam ende duke qarë, me pikëllim, si dhe me mirënjohje që ndava disa momente shumë të veçanta me ty dhe familjen tënde të bukur.
Më ke inspiruar në shumë mënyra që kurrë nuk e ke ditur. Talenti yt ishte i pastër dhe i pakrahasueshëm. Zëri yt ishte lumturi dhe dhimbje, zemërim dhe zemërbutësi, dashuria dhe dhimbja bëheshin një.
Supozoj se kështu jemi të gjithë. Më ndihmove ta kuptoj këtë. Sapo shikova një video tënden duke kënduar “A Day In The Life” nga Beatles dhe mendova rreth ëndrrës sime.
Do të doja të mendoj se po thoshe lamtumirë në mënyrën tënde. Nuk mund ta imagjinoj një botë pa ty në të. Lutem për ty që të gjesh paqe në jetën tjetër.
Faleminderit që më lejove të jem pjesë e jetës tënde. Me gjithë dashurinë time. Miku yt, €#£$+£R ]}£[][][G+O][“.
