Koment nga redaksia
Marrëveshjet tinëzare të disa partive politike shqiptare me ato maqedonase , si duket janë ringjallur sërish edhe në këto zgjedhje lokale. Tashmë shifet qartë vullneti dhe gatishmëria që të gjithë pa përjashtim janë kundër pikëpamjeve dhe konceptit politik që përfaqëson Aleanca për shqiptarët dhe lideri i saj Ziadin Sela.
Marrëveshje të tilla kanë egzistuar dhe vazhdojnë të egzistojnë në shumë komuna, kryesisht të përziera. Por, ajo që bie më së shumti në sy, është përpjekja e tyre për ta luftuar në komunën e Strugës, e ku si qëllim primar të tyre kanë dëmtimin e tij . Megjithatë, të kota janë këto orvatje , sepse të shumtë janë qytetarët shqiptar që në këto zgjedhje lokale janë kthjelluar dhe po kthjellohen dita ditës dhe se tashmë e kanë të qartë se cilët kandidat duhet përkrahur, dhe kush janë ata që kanë mundësi, guxim dhe kapaciteti që të zgjidhin problemet dhe hallet e shumta të qytetarëve shqiptarë.
Qytetarët janë lodhur nga lufta e tinëzarëve në kurriz të shërbimeve të huaja e të dyshimta, andaj dhe përkrahja e kandidatëve të sinqertë të drejtë , e të pakorruptuar, që ofrojnë alternativa, transparencë në qeverisje dhe që janë krah qytetarëve pamëdyshje nuk do të mungojë !
Sigurisht se këto goditje prapashpine janë të projektuara për të goditur politikat që janë në shërbim të qytetarëve, dhe për rrjedhojë të këtij lidershipi, por janë qytetarët ata që do tua bëjnë me dije se lojrat mes partive politike maqedonase në kurriz të shqiptarëve nuk do të kapërdihen lehte, përderisa qytetarët me votën e tyre janë gardian të një koncepti politik të pastër e që me shumë mund mbrohet nga Aleanca dhe Ziadin Sela . Qytetarët shqiptar në këto zgjedhje lokale , veҫanëriasht struganët, gostivarasit dhe tetovarët janë të përcaktuar mirë për kandidatët që do të duhet tua japin besimin e tyre, dhe ndërkohë të jenë në shërbim të tyre dhe jo të bëhen vegël e pazareve dhe ndarjeve politike…
© fol.mk