Talebanët kanë rritur presionin ndaj forcave qeveritare afgane, shënjestër e tre sulmeve në 48 orë, ku i fundit ndodhi sot duke shkaktuar vdekjen e të paktën 58 ushtarëve pas një sulmi kamikaz në bazën e tyre në jug të vendit.
Sipas Ministrisë së Mbrojtjes, më shumë se 60 ushtarë ndodheshin në bazë kur ndodhi sulmi që nisi me shpërthimin e një makine-bombë dhe u pasua nga sulmi në bazë.
Një zyrtar lokal ka njoftuar për 58 të vdekur dhe dhjetëra të plagosur.
Një burim lokal thekson se autorët e sulmit kanë përfituar nga bashkëpunëtorët në këtë bazë.
Sulmi ndodhi në orën lokale 02:50 kur një grup kryengritësish kanë sulmuar bazën e Chashmos, në disktriktin e Maiwand me anë të një Humvee (automjet ushtarak) të mbushur me eksploziv.
Lexo më shumë në: http://www.gazetaexpress.com/lajme/masaker-ne-afganistan-58-te-vdekur-nga-sulmi-i-talebaneve-450142/?utm_source=referral&utm_medium=web&utm_campaign=copyright
