Gjatë një ceremonie martesore në Kinë, një i ftuar ia ka shtyrë nuses kokën, në mënyrë që ajo të përulej para vjehrrës. E nervozuar, ajo e shmangu me forcë dhe më pas e goditi në fytyrë.
Të pranishmit shihen duke e qetësuar, ndërsa shumica e filmuan këtë moment që më pas u bë viral në internet, transmeton Telegrafi.
Në fakt, të porsamartuarit po kryenin procedurën tradicionale të përkuljes dhe shërbimit të çajit për prindërve – para se t’i luten Parajsës dhe të betohen për besnikëri të përjetshme.
Por, kjo procedurë u ndërpre prej të ftuarit, që duket se ishte nën ndikimin e alkoolit.
