Trump: Ushtarët amerikanë mund të qëllojnë emigrantët, nëse ata hedhin gurë

Presidenti amerikan Donald Trump deklaroi të enjten se do të nënshkruajë një urdhër ekzekutiv “javën e ardhshme” që synon kufizimin e rregullave të azilit në SHBA.

Sipas mediave të huaja, përcjell Pa Censurë, ai gjithashtu sugjeroi që trupat amerikane që ai dërgoi në kufirin SHBA-Meksikë mund të vritnin dikë në karvanin e emigrantëve nëse dikush hedh gurë në drejtim të tyre.

Trump tha se administrata e tij po përfundon një veprim ekzekutiv që do të kufizonte kërkesat e azilit për portet ligjore të hyrjes, duke pretenduar se migrantët shpesh abuzojnë me sistemin duke fabrikuar nevojën e tyre për azil.

Por ai nuk pranoi të përcaktojë se si do të funksiononte një ndryshim që ai përshkroi si një urdhër i ardhshëm ekzekutiv ose pse ai po organizonte një fjalim presidencial për një ndryshim politik që është ende në fazat paraprake.

I pyetur nëse ai parashikon se trupat e SHBA-së do të qëllonin në drejtim të grupit të emigrantëve, Trump u tha gazetarëve në Shtëpinë e Bardhë: “Nuk shpresoj, shpresoj jo, por ata janë ushtarë”.

“Unë shpresoj se kjo nuk do të ndodhë”, tha Trump, por shtoi se “kushdo që hedh gurë në anëtarët e shërbimit ushtarak do të konsiderohet sikur të jetë duke përdorur një armë zjarri”.

SHPËRNDAJE