Turqia ka shpallur të martën programin e ri shkollorë i cili ka përjashtuar teorinë e evolucionit të Charles Darwinit. Programi i ri shkollorë që pritet të zbatohet nga fillimi i vitit të ri shkollorë, ka nxitur debate në vend.
Ky veprim ka rritur frikën e opozitës se presidenti Erdogan po shkatërron themelet laike të Turqisë. Unioni i mësimdhënësve tha se programi i ri shkollorë “është një hap i madh në drejtim të gabuar”.
“Politikat e reja që ndalojnë të mësuarit e evolucionit dhe kërkojnë nga të gjitha shkollat të kenë një dhomë për falje, shkatërrojnë parimet shkencore të arsimit tha”, tha Mehmet Balik, kryetar i Unionit të Punëtorëve të Arsimit dhe Shkencës.
Sipas draftit të programit, një kapitull në tekstin e biologjisë ka ndryshuar titullin nga “Fillimi i jetës dhe evolucioni” në “Krijesat e gjalla dhe mjedisi”. Të gjitha referencat ndaj teorisë Darviniane janë hequr.
“Teoria e evolucionit është tashmë një teori shkencore e vjetër dhe e prishur. Nuk ka asnjë rregull që kjo teori duhet të mësohet absolutisht.”, tha Zëvëndëskryeministri turk më 29 janar.
