Pacientët të cilët janë në fazën e hershme të sëmundjes së Parkinsonit mund ta ngadalësojnë keqësimin e sëmundjes përmes një regjimi me ushtrime intensive.
“Nëse jeni të diagnostikuar me sëmundjen e Parkinsonit dhe dëshironi ta ngadalësoni progresin e simptomave, atëherë duhet të ushtroni tri herë në javë dhe ta rritni pulsin e zemrës. Është kaq e thjeshtë”, ka thënë autori i studimit që ka ardhur në këtë përfundim, Daniel Corcos, transmeton Telegrafi.
Sidoqoftë, nivelet modeste të ushtrimeve fizike nuk kishin qenë aq efektive në ngadalësimin e sëmundjes.
Është e rëndësishme që të intervenoni sa më herët në këtë sëmundje (me ushtrime intensive), sepse aq më të prirë do të jeni ta parandaloni progresin e sëmundjes.
