Gazetarja nga Kosova, Jeta Xharra, nga ekipi i rrjetit Ballkanit për hulumtim gazetaresk, e inspiruar nga fjalimi i djeshëm i ministrit të Punëve të Jashtme të Austrisë, Sebastian Kurc, në konferencën në Vjenë, thotë ai assesi nuk duhet të flet për lirinë e mediave.
Në konferencën njëditore të OSBE-së në Austri për lirinë e mediave përkushtuar gjendjeve të vënëve nga Ballkani Perëndimor, Xharra dhe gazetarët nga rajoni me protestë e dëgjuan Kurc.
Ajo tha se ai e ka përkrahur ish kryeministrin e Maqedonisë, Nikolla Gruevski, në fushatën e tij, ndërkaq sipas saj, vlen si shtypësi më i madh i mediave në Ballkan, ndërkaq tani flet për liri.
“Prej mëngjesit kur kam ardhur këtu në konferencë u ndjeva palakmueshëm, pasi që fjalimin që e dëgjova nga Sebastian Kurc, i cili ka folur për liritë e mediave në Ballkanin Perëndimor dhe për atë se sa është e rëndësishme për Austrinë dhe OSBE-në, derisa ai është i njëjti person i cili në fushatën politike i sulmoi kolegët e mi maqedonas dhe shqiptarë dhe është përgjegjës për bunarin në të cilin u fut Maqedonia në raportet e Raportuesve pa Kufij, dhe tani e kemi këtë njeri këtu që flet se si të përkrahet puna e gazetarëve. Më falmi, por nuk mund të flini me armikun, ndërkaq më pas të bëheni mik te gazetarët”, reagoi gazetarja Xharra.
Në konferencën e sotme, përfaqësues nga Maqedonia në Austri ishte zëvendësministri për Shoqëri Informatike, Timço Mucunski.
