Tetovarët në halle të mëdha nga ndotja. Derisa gjatë stinës së dimrit luftojnë me ndotjen e ajrit nga fabrikat që nuk plotësojnë standardet ekologjike, mes tyre më i njohur është rasti me fabrikën Jugorohrom, ndërsa gjatë stinës së verës, tetovarët hasin në ndotjen që shkakton deponia e mbeturinave, ndërsa javës së fundit edhe ndotja e ujit të pijshëm. Më shqetësuese është lajmi për ndotjen e ujit të pijshëm me fekale të ndryshme. Me këtë rast reagon Lëvizja për Reforma për shkak të papërgjegjësisë së administratës komunale në Tetovë për këto probleme. Më posht mund të lexoni reagimin e plotë të Degës së Tetovës.
“Qyteti i Tetovës është në shënjestër të herëpashershme me goditjet që po i jep keq-qeverisja lokale, nga politikat e mbrapshta të kësaj administrate komunale që udhëhiqet nga kryetarja Teuta Arifi. Tetova u shndërrua në një qytet që ka etje të domosdoshme për ujë të pijshëm, mjedis urban dhe infrastrukturë të rregulluar mirë për qytetarët e saj. Uji është elementi bazë për ekzistencë, ndërsa tetovarët janë viktimë e kësaj administrate komunale që dhe ujin e pijshëm u servohet qytetarëve me përzierje të kanalizimeve fekale, që për këtë veprim të pandërgjegjshëm kryetarja Teuta Arifi duhet të përballet me përgjegjësinë morale ndaj qytetarëve të saj”.
©fol.mk
