Shkruan Qenan Aliu
Gjorgje Ivanov në bazë të nenit kushtetues do të mund tia jep mandatin kandidatit të partisë apo partive në koalicion që kanë formuar shumicë jo që kanë fituar shumicën , mbase në rastin konkret asnjë parti apo koalicion nuk ka fituar shumicën për të formuar qeverinë.
Në këtë rast presdientit duhet ti ofrohen dëshmi për aritjen e formimit të shumicës në Kuvend. Pra ai do të duhet ti takojë publikisht edhe të parët e partive që kanë mbledhur shumicën .
Çdo veprim ndryshe i Ivanovit do të ishte diktat dhe zbatim të strategjisë opstrukcioniste të Vmro-Dpmne-së, dhe ka të ngjarë që të komplikojë procedurën dhe me këtë edhe situatën në përgjithësi. Veprimi ndryshe i Ivanovit do të ngërthente përgjegjësi politike, juridike , etike e morale.
Madje eventualisht një veprim i anueshëm i Ivanovit në situata të tilla krejtësisht të kjarta në aspekt të nenit kushtetues, do të shtronte nevojën pas disa veprimeve absurde të tij, të gjendet mënyra për largimin e tij nga kjo zyrë e lartë publike!
