Deklaratat e ministrit të jashtëm grek, Kotzias se Shqipëria ka pranuar përparimin e shtetit helen me 12 milje në kufirin detar, e ka gjetur të papërgatitur parlamentin shqiptar.
Komisioni me vëmendjen më të lartë për këtë temë, ai i politikës së jashtme, pranon se nuk ka informacion të saktë e të qartë për këtë çështje.
“Unë nuk kam asnjë informacion”, shprehet deputeti Ervin Bushati, teksa tenton ti shmanget gazetarëve.
Ndërsa nënkryetarja e Kuvendit, Vasilika Hysi thotë se nuk ka informacion dhe po pret.
“Ministri Bushati dha informacion të detajuar, ndërkohë që nuk ka asnjë marrëveshje të shkruar ende”, thotë Evis Kushi.
“Është gjynah që marrim informacion nga pala greke dhe jo nga ne është shprehur deputeti i PD”, Klevis balliu.
Informacion të privilegjuar nuk ka as deputeti Andrea Marto që vjen nga komuniteti grek në Shqipëri.
“Nuk kam asnjë informacion, kam ato që tha ministri”, tha deputeti Andrea Marto, i cili akuzoi gazetarët se janë agresivë.
