Adriana Matoshi: Jetoj në një apartament me qera në Prishtinë

Ndër emrat më të përfolur në faqet rozë kohëve të fundit padyshim që ka qenë i Adriana Matoshit.

Ajo së fundmi ka qenë e ftuar në emisionin e Adelina Ismajlit, ku foli për jetën dhe karrierën e saj personale.

Aktorja e njohur u pyet për jetën luksoze, pasi sipas thashethemeve ajo gëzon të mira të shumta materiale.

Duke marrë me sportivitet, Matoshi fillimisht tha se do të gëzohej po të ishin këto aludime të vërteta, teksa tregoi se si qëndron puna me financat.

“Unë jetoj në Prishtinë, me qera me katër fëmijë, me dy prindërit e mi, u shpreh ajo.

Duke marrë parasysh suksesin e viteve të fundit, aktorja tha se po të ishte në tjetër vend, me po të njëjtat para do jetonte për dhjetë vite.

“Nuk i kam milionat, më vjen shumë keq, periudhën që e kam pasur tre vitet e fundit, unë sot do të isha dashur të jetojë si ‘beg’ e të mos punoja për dhjetë vite”.

Ndërkaq, Adriana tashmë ka bërë të ditur edhe lidhjen e saj të re me futbollistin afrikan, Keith Groeneveld.