Kryetari i Bashkimit Demokratik për Integrim Ahmeti paralajmëroi se kriza politike mund të zvarritet me vite në Maqedoni dhe disa politikanë e shfrytëzojnë atë për të shkaktuar konflikte ndëretnike.
Duke e komentuar refuzimin e Presidentit Ivanov për t’ia dhënë mandatin liderit të LSDM, Zoran Zaev për formimin e qeverisë së re dhe protestat e çdoditshme kundër të ashtuqujaturës platformë shqiptare, Ahmeti tha se partitë politike nuk duhet të tentojnë që të përfitojnë nga tensionet.
‘’Kjo krizë politike duhet të zgjidhet me mjete politike, e jo nga ajo të krijohet problem ndëretnik për përfitimin e ndonjë partie politike’’, tha për Rojtersin Ahmeti.
Ai vlerëson se rruga qorre mund të vazhdojë edhe ‘’katër vjet’’, atëherë kur janë parapa zgjedhjet e radhës.
Lideri i BDI-së konfirmoi se në marrëveshgjen e arritur me LSDM, gjuha shqipe do të përdoret në isntitucionet shtetërore dhe në banknote.
‘’Partnerët e koailcionit janë dakorduar që për kryetar të Parlamenti të zgjedhin një shqiptar, që do të jetë për here të parë pas pavarësimit të shtetit’’, e transmeton Rojtersi deklaratën e Ahmetit.
