Ali Ahmeti sulmon LSDM , as një gjysë fjale kundër VMRO !

Kryetari i Bdi Ali Ahmeti dje në tubimin e forumit rinor të BDI në Shkup ka lëshuar akuza kundër partisë opozitare maqedonase LSDM duke i akuzuar se po mashtrojnë shqiptarët dhe se LSDM nuk mund ti mbroj interesat e shqiptarëve në Maqedoni . Ali Ahmeti pyeti publikisht se ku ishte LSDM që ti mbronte shqiptarët para 15 viteve , por po e bëjnë tani këtë gjë . Duhet ti përkujtojmë liderit të BDI Ali Ahmeti se ishin pikërisht LSDM dhe BDI partnerët e koalicionit që bashkarisht në v. 2003 me altilerinë ushtarake dhe policore sulmuan Brezën dhe ish ushtarët e UÇK , duhet ti përkujtohet Ali Ahmetit se ishte pikërisht kjo LSDM së bashku me BDI që montuan banorët e Sopotit dhe realizuan skenarin për të fajsuar shqiptarët duke i burgosur fshatarët e Sopotit të cilët vuajtën burgun për një vepër që asnjëherë nuk e kishin bërë . Ajo që tërheq vëmendjen e opinionit dhe të qytetarëve është fakti se Ahmeti nuk bëri asnjë akuz dhe nuk tha asnjë fjalë kundër partnerit të tyre të tanishëm VMRO kur dihet se pikërisht politikat e VMRO të mbështetura nga BDI ishin shkaktare të shumë rasteve të montuara ku për pasoj si çdo herë vuajtën dhe po vuajnë shqiptarët. A kërkuan ndonjëherë llogari për Monstrën , Lagjën e Trimave , burgosjen e shqiptarëve dhe të ish ushtarëve të UÇK -së , rrahjet e nxënësve shqiptar , sulmi ndaj familjeve shqiptare në Radishan e shumë raste të tjera për të cilat BDI asnjëherë nuk kërkoj por edhe nuk dha llogari .