Tyrus Wong, artisti që inspiroi krijimin e filmit të Disneyt “Bambi”, ka vdekur në moshën 106 vjeçare, raporton BBC.
Pikturat e Wong kapën syrin e Walt Disenyt dhe u bënë baza e këtij filmi, transmeton Koha.net. Ai ka vdekur në shtëpinë e tij i rrethuar nga familja.
Pasi kishte studiuar artin, ai filloi të punojë me Disneyn më 1938, për të cilën bëri qindra vizatime për të krijuar iluzionin e lëvizjes.
Kur studio filmike filloi të punojë “Bambin”, ai kishte shkuar në shtëpi dhe kishte bërë disa piktura të një dreri në pyll.
“Walt Diseny e kishte parë se Tyrus ishte në gjendje që të krijonte vepra arti elegante, që jo domosdoshmërisht dukej si pyll, por më tepër të jepte ndjesinë e pyllit. Vizioni i Waltit për Bambin dhe përdorimi i veprave të Tyrusit kanë ndikim edhe në filmat e sotëm”, thuhet në deklaratën e Muzeut Disney.
Tyrus Wong kishte punuar në Diseny vetëm tre vjet, duke kaluar më pas në Warner Brothers si artist konceptual.
