Izmir Smajlaj është padyshim njeriu i momentin në Shqipëri, dhe jo vetëm.
“Jam shumë i emocionuar. Kam punuar për disa muaj në Shkodër për këto dy gara, me ëndrrën për të triumfuar në Beograd. Rivaliteti ishte i madh, por ia dola. Surprizë nuk do ta quaja, sepse kemi punuar shumë për të arritur deri këtu.
Ishte një finale dhe nuk ka asnjëherë siguri, por kisha shumë besim se mund t’ia dilja. Tani mbetet dhe Kampionati Botëror dhe besoj se mundësitë janë, do të jap gjithçka.
Kushtet e stërvitjes? Dihen si janë kushtet në Shqipëri, por që ai dëshiron të stërvitet, e bën.
Pritja në Serbi? Me thënë të drejtë, pritja ka qenë shumë e mirë. Edhe pas garës më kanë duartrokitur dhe e falënderoj shumë popullin e Beogradit”, tha ai për “zona gol”.
