Lëvizja Besa, e cila nuk mori pjesë në takimin e partive shqiptare, për të krijuar një bllok shqiptar që ti kushtëzojnë partitë maqedonase, sipas disa burimeve të sigurta brenda kësaj lëvizje mësohet se Besa po zhvillon biseda të fshehta si me LSDM-në e Zaevit ashtu edhe me VMRO-në e Gruevskit. Përderisa nga kjo lëvizje arsyetonin bojkotin e takimit me shqiptarët se gjoja nuk ulen me kriminelë, ata kanë harruar se pikërisht Zaevi si dhe miku i tyre Gruevski u ul me po ato “kriminelë” disa herë dhe nënshkruan marrëveshjen e famshme të Përzhinos. A nuk iu pengon ky fakt krerëve të Besës?! Dhe pyetja tjetër është se me çfarë kushtesh, të dy krahët e lëvizjes Besa po zhvillon takime të fshehta me Zaevin dhe Gruevskin? A është më e rëndësishme takimi me maqedonasit sesa takimi me shqiptarët? Lëvizja BESA ishte në trans politik këto ditë duke menduar se nuk do jetë pjesë e qeverisë. Siç duket Lëvizja BESA e cila nuk ju dha besë subjekteve politike shqiptare, BESËN po mendohet seriozisht t’ua japë maqedonasve për formimin e qeverisë së ardhshme. Në anën tjetër po zihet nga brenda kësaj lëvizjeje, pasi krahu i VMRO-DPMNE-së, i cili edhe menaxhon financat e kësaj lëvizje po bën presione tërthorta që krahu tjetër nostalgjik të ish sistemit të drejtuar nga Kimi me djemt e tij në Lëvizjen BESA mos koalicionojë e as mos bisedojnë me LSDM-në. Ndryshe, takimi i liderëve shqiptar aspak nuk kishte të bëjë me konfigurimin e qeverisë së ardhshme, por me unifikimin e kërkesave të përbashkëta politike kundrejt palës maqedonase kushdo qoftë ajo.
© fol.mk
