Paris Sen Zhermen ka njoftuar se ka arritur një marrëveshje me Markinjos për zgjatjen e kontratës së tij. Mbrojtësi brazilian 29-vjeçar do të vazhdojnë aventurën e tyre deri më 30 qershor 2028.

“Jam shumë i lumtur të njoftoj këtë zgjatje të kontratës, por edhe shumë krenar. Ky është një moment shumë i veçantë për mua. PSZH më ka dhënë gjithmonë shumë besim, dhe unë gjithashtu kam besim të jashtëzakonshëm në këtë klub. Jam i bindur se do të vazhdojmë të arrijmë gjëra të mëdha së bashku në vitet në vijim”, u shpreh Markinjos.
Gjatë 10 sezoneve të tij me klubin francez, braziliani fitoi 7 kampionate franceze, 6 kupa franceze, 2 Kupat e Ligës dhe 7 trofe kampionësh. Të shtunën, më 8 prill 2023, gjatë javës së 30-të të Ligue 1, kundër Nicës (fitore 2-0), Markinjos regjistroi 400 paraqitje me PSZH.

Ai është lojtari i tretë që ka veshur më shumë fanellën parisiene (405 paraqitje), pas Zhan Mark Pilorget (435 ndeshje) dhe shokut të tij të skuadrës Marco Veratti (413).