Sipas të dhënave të YouTuberit norvegjez Bjorn Niland, që i ka mbledhur ato në kuadër të testimit të veturave elektrike, të dhënat tregojnë se veturat më të rënda elektrike vijnë nga Gjermania.
Statusi i veturës më të rëndë i ka takuar Mercedes EQV, furgonit elektrik që arrin kufirin e peshës prej 3 tonelatave. Ai peshon saktësisht 2960 kilogramë dhe ka një bateri me kapacitet prej 100 kWh.
Vetura tjetër me radhë është SUV nga Audi e-tron 55 me 2720 kilogramë, dhe sërish Mercedes EQC me 2620 kilogramë. Në total, një e treta e modeleve elektrike i afrohen masës prej dy tonelatave.
Mesatarja është 1940 kilogramë dhe vetëm pesë modele peshojnë më pak se 1500 kilogramë. Në mesin e tyre është Mini Cooper SE (1480 kilogramë) dhe Fiat 500e (1460 kilogramë dhe BMË i3 (1360-1440 kilogramë), Volkswagen e-Up (1260-1280 kilogramë) si dhe më i lehtë – Mitsubishi i-MIEV.
