Deskoska për qëndrimin e Holandës për mos dhënien e datës pa PSP-në: OBRM-PDUKM-së i është bërë e ditur

Vetëm nga OBRM-PDUKM dhe qëndrimi i tyre ndaj të ardhmes së PSP-së varet nëse Holanda do të miratojë datën për negociata me BE-në, tha për “SDK” ministrja e Drejtësisë, Renata Deskoska, pasi që dje nga qeveria holandeze theksuan se insistojnë në miratimin e shpejtë të ligjit që do të siguron ndjekjen penale të korrupsionit të zyrtarëve të lartë.

Sipas saj, tani data varet nga pëlqimi i liderit të partisë Hristijan Mickoski për të pranuar ligjin e propozuar për statusin e PSP-së, i cili zhbllokon duart e tij për të përfunduar hetimet e filluara dhe për të ndjekur korrupsionin e tanishëm të lartë.

Deskoska tha se pengesë tjetër nuk ka dhe ajo personalisht nuk ka ndërmend të bëj lëshime ndaj kërkesave të negociatorëve të opozitës OBRM-PDUKM për të dhënë amnisti për të akuzuarit dhe të dyshuarit zyrtarët të partisë. Ekipi negociator i OBRM-PDUKM-së udhëhiqet nga deputeti Antonio Milloshoski, i cili vetë është një nga të dyshuarit në hetimin e PSP.

“Gjatë gjithë periudhës së kaluar ne theksuam rëndësinë e këtij ligji dhe i kërkuam OBRM-PDUKM-së që ta vendos të ardhmen evropiane të vendit përpara interesave personale të individëve në partinë e tyre. Shpresoj se ky mesazh nga Haga do të merret seriozisht dhe do të sillet me përgjegjësi ndaj shtetit”, tha Deskoska./Telegrafi/

SHPËRNDAJE