Data e 15 janarit njihet si një nga ditët më të mërzitshme të vitit, prandaj menduam që paraprakisht t’ju relaksojmë me destinacionet e mëposhtme të cilat e kanë ujin më të kaltër në botë.
Telegrafi më poshtë ju sjell këto destinacione, të cilat nëse i vizitoni, me të vërtetë se do t’jua bëjnë ëndrrat realitet:
Cala Macarelleta, Menorca, Spanjë
Në pjesën jug-perëndimore të Menorcës, ky destinacion është një përzierje e mahnitshme e ujit të kaltër me plazhe me rërë të bardhë. Uji është tejet i pastër, gjë që e bën atë vend të përsosur për të notuar me miqtë apo familjarët.
Abel Tasman, Zelandë e Re
Përderisa Zelanda e Re gjendet në anën e kundër të botës, posa të arrini atje, do të shihni vetëm magji në çdo vend!
Kjo pjesë e vogël e parajsës e quajtur Parku Nacional Abel Tasman, që gjendet afër Nelsonit në maje të Ishullit Jugor, i mbulon 231 kilometra katrorë të tokës ku mund të shkoni për ecje dhe të bëni kajaki në ujërat e pastër.
Exuma, Bahama
Asnjë vizitë në Bahama nuk është e kompletuar pa u ndalur në Exuma, ndryshe i njohur si plazhi i derrave. Distrikti i Exumas është arkipelag me 365 ishuj, dhe gjendet në jug të Nassaus – vetëm 40 minuta larg Floridës, SHBA.
Derrat e kanë ishullin e tyre dhe shpeshherë mund të gjenden duke notuar në ujërat e pastër.
Maldivet
Maldivet janë bërë destinacioni i preferuar i të porsamartuarve, ku thuajse çdo çift dëshiron ta kalojë muajin e mjaltit në këtë vend magjik.
Por çfarë i bën Maldivet kaq spektakulare janë ujërat të cilat i rrethojnë ishujt. Me lokacion në mesin e Oqeanit Indian, Maldivet përbëhen nga 26 atole dhe 1,000 ishuj koralë.
Liqenet Plitvice, Kroaci
Këto liqene të Kroacisë mund të vizitohen në çfarëdo periudhe të vitit – në verë për motin e ngrohtë, në vjeshtë për gjethet me ngjyrë piktoreske, në dimër për pemët e mbuluara me fjolla bore, dhe në pranverë për lulet e bukura.
Megjithatë, një gjë qëndron gjithmonë e njëjtë në këtë vend: uji kristal i pastër është prezent në cilindo periudhë të vitit.
