Dimitrov: Nëse shkojmë përmes rrugës së miqësisë, historia e përbashkët do të buzëqesh, ndërsa e ardhmja e përbashkët evropiane do të na presë

Të gjejmë mirëkuptim për të kaluarën, të punojmë në të ardhmen dhe ta pranojmë njësi tjetrit ashtu siç jemi dhe kush jemi në të tanishmen. Ndërtimi i miqësisë reale është i lodhshëm, por proces jashtëzakonisht fisnik. Nëse shkojmë përmes asaj rruge, historia e përbashkët do të na buzëqesh, ndërsa e ardhmja e përbashkët evropiane do të na presë.

Këtë në profilin e tij në Fejsbuk e shënoi shefi i diplomacisë, Nikolla Dimitrov, me rastin e trevjetorit të nënshkrimit të Marrëveshjes për miqësi, fqinjësi të mirë dhe bashkëpunim mes Maqedonisë së Veriut dhe Bullgarisë,

“Mik është ai i cili e kupton të kaluarën tënde, beson në ardhmërinë tënde dhe të pranon pikërisht ashti siç je”, autor i panjohur. Pikërisht kjo urtësi, e zbatuar edhe nga pala vendore edhe nga ajo bullgare, me durim dhe mençuri do të na çojë përpara, ka shënuar Dimitrov.

Sot mbushen tre vjet nga nënshkrimi i Marrëveshjes për miqësi, fqinjësi të mirë dhe bashkëpunim mes Maqedonisë së Veriut dhe Bullgarisë. Marrëveshja u nënshkrua në Shkup nga kryeministri i atëhershëm Zoran Zaev dhe kryeministri i Bullgarisë, Bojko Borisov.