Bashkimi Evropian është familje e më shumë kombeve të cilat ndajnë vlera të njëjta, si qeverisja e së drejtës, koncepti i menaxhimit të mirë dhe liria e mediave. Për ne BE-ja është ajo që dëshirojmë të jemi dhe si do të donim të funksionojmë, në përgjithësi ato janë kombe të prosperuara, ndërsa ne besojmë se prosperiteti vjen me demokracinë dhe qeverisjen e së drejtës, deklaroi ministri i Punëve të Jashtme, Nikolla Dimitrov në një intervistë për “BBC World Services”.
I pyetur se çfarë mund t’i japë Maqedonia BE-së, Dimitrov tha fillimisht, vendosmëria e re që të kemi sukses, e cila ishte e lindur përmes përvojës së mbijetesës së krizës i jep mundësi për Evropën të thotë se ndoshta zgjerimi me të vërtetë funksionon.
Dimitrov, lidhur me dinamikën e negociatave për inkuadrim në BE, tha se Maqedonia për 12 vjet është në dhomën e pritjes.
“Maqedonia u bë vend kandidat në vitin 2005, kështu që ky është leksion i cili mund t’i ndodh rajonit nëse mbetemi në margjinat e vëmendjes politike, pasi që për nga pozita gjeografike ne nuk jemi në margjinat e Evropës”, deklaroi Dimitrov.
