Melania Trump është në kopertinën e revistës Vanity Fair të Meksikës në një çast të papërshtatshëm.
Zonja e parë do të jetë në faqen e parë të revistës për muajin shkurt, ku shfaqet me një pirun mbi një enë me bizhuteri, si të ishin makarona. Në nëntitullin kryesor ajo emërtohet “nueva Jackie Kennedy.”
Vanity Fair i Meksikës e publikoi në Twitter kopertinën dhe historinë, dje, në të njëjtën ditë kur presidenti i vendit Enrique Peña Nieto, anuloi takimin me Presidentin Trump, bashkëshortin e Melania-s, pas këmbënguljes së tij që Meksika të paguajë për ndërtimin e murit përgjatë kufirit mes shteteve. Pagesa, sipas tij, do bëhet me anë të një takes për produktet e importuara nga Meksika.
Fotot dhe shkrimi i Vanity Fair Meksikë janë ricikluar nga botimi i prillit të GQ-së. Dy revistat janë në pronësi të së njëjtës kompani, Condé Nast.
Presidenti Trump ka pasur mosmarrëveshje me Vanity Fair për vite.