Donald Trump heq dorë nga paga e presidentit

Presidenti i zgjedhur republikan Donald Trump thotë se nuk do ta pranojë rrogën e presidentit. Pyetja vjen pas shqetësimeve se çfarë do të ndodhë me të ardhurat e tij në prag të kalimit në Shtëpinë e Bardhë.

Në shtator të 2015, në New Hampshire ai tha: “Gjëja e parë që do tu them është se nëse zgjidhem President, nuk do të pranojë pagën, në rregull?.

Në pyetje-përgjigjet online në Twitter dikush e pyeti Trump duke postuar videon e atij takimi elektoral: “A do hiqni dorë nga paga presidenciale nëse zgjidheni?”.

Përgjigja ishte kjo: “Meqë paga qënka shqetësimi, nuk do të marr as edhe një dollar. Do heq dorë totalisht nga paga ime nëse bëhem president”.

Në të njëjtën video Trump tha se fushatën e tij e financon totalisht vetë, dhe se nuk dëshironte para nga të tjerët. Paga vjetore e presidentit në SHBA është 400 mijë dollarë.