E bija e Hamëz Jasharit, Besarta ka kujtuar me fjalë prekëse flijimin e familjes së saj.
Ajo thotë se ky zjarr është i veçantë, duke na ndriçuar neve të ardhmen, transmeton lajmi.net.
Shkrimi i plotë:
Do të ishte e rëndomtë…
edhe nata,
edhe zjarri,
do të ishin të rëndomta sonte…
edhe muaji Mars, do të ishte i rëndomtë…
edhe unë do të isha e zakonshme, thjeshtë një Besartë !
…
Çdo gjë do të ishte e rëndomtë, pa aktin unik të vetëflijimit për LIRI të familjes tonë.
Andaj,
ky muaj dhe kjo natë, janë të veçanta…
edhe ky zjarr është i veçantë, duke na ndriçuar neve të ardhmen,
e kush synon të na rrezikoj këtë LIRI, ky zjarr është përgjigjja !
…
Gëzuar Epopeja e Ushtrisë Çlirimtare e Kosovës
E juaja,
Besarta Hamëz Jashari
