Historia e Diena Karanxhës dhe vajzës së saj, Esielës, ka pushtuar faqet e para të mediave botërore. Piktorja 30-vjeçare ndërroi jetë bashkë me të bijën 8-vjeçare nga tërmeti në Durrës.
Tragjedia është shumë e rëndë, pasi Diena kishte humbur para pak kohësh edhe të shoqin.
Ajo jetonte me familjen e prindërve pas humbjes së bashkëshortit. Në këtë tragjedi humbi jetën edhe nëna e Dienës, Roza.
Mësohet se në momentin kur ekipet e shpëtimit ishin pranë nxjerrjes së saj, Diena iu është lutur atyre: Mos më nxirrni, dua të vdes në krahët e vajzës sime.
Esiela e vogël kishte ndërruar jetë më herët. Diena qëndroi e përqafuar me të për 12 orë.
30-vjeçarja ndërroi jetë rrugës për në spital nga hemorragjia.
Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!
