Kryetarja e Komisionit Evropian, Ursula fon der Lajen, e lavdëroi përmbushjen e qëllimit të vendosur për vaksinim në BE sot ditën e sotme.
Ajo deklaroi se sot është arritur qëllimi prej 70 për qind të popullatës së rritur të vaksinuar me të paktën një dozë. Diçka më shumë se gjysma e popullatës në BE është vaksinuar me dy doza (57 për qind). “Këto numra e vendosin Evropën midis udhëheqësve botërorë”, deklaroi fon der Lajen sot përmes kumtesës.
Kryetarja bëri thirrje për përpjekje të vazhdueshme vaksinimi, kryesisht për shkak të përhapjes së llojit delta të virusit. Edhe krahas këtij mesazhi inkurajues, shumë vende të BE kanë parë një rritje dramatike të numrit të infeksioneve të reja këtë verë dhe janë pikturuar me të kuqe në hartën e Qendrës evropiane për kontroll të sëmundjeve.
Fon der Lajen siguron se Bashkimi Evropian do të furnizojë vaksina të mjaftueshme për të gjithë në BE.
