Gazetari Sasho Ivanovski-Politiko në Maqedoni njihet për stilin e tij të gazetarisë guerile. ”Viktimë” e tij kësaj radhe ka qenë Ivica Konevski, kryetar aktual i Komunës së Aerodromit në Shkup që nga viti 2009 dhe kandidat edhe për një mandat, të tretin me radhë.
Gazetari e pyet Konevskin, pse jeni parkuar në trotuar?
Konevski: Pasi në 20 vitet e kaluara banorët e lagjes ku jetoj janë parkuar kështu. Nuk ka vende të lira për të parkuar.
Gazetari: Pse nuk i bëtë vendet për të parkuar, a nuk duheshte ju të ishit shembull?
Konevski përgjigjet njejtë, duke e përsëritur përgjigjen dhe duke u krahasuar me banorët e lagjes.
Gazetari: Pse shkoni në punë kaq vonë, tash është ora 10:00?
Konevski: Pasi kështu e pata kalendarin e ditës, renditjen e takimeve! Tjerët punojnë deri ora 16:00 unë ndonjëherë vonohem edhe pas orës 20:00.
Gazetari vazhdon pastaj me pyetje për pasurinë e tij që sipas gazetarit është mbi dy milionë euro dhe se karriera e tij si kryetar është përshkak të shoqërimit me Jordan Mijallkov, djali i ish-shefit të DBK-së, Sasho Mijallkov. Këto pyetje, Konevski i cilëson si qesharake.
Sasho Ivanovski-Politiko më herët është rrahur nga zyrtarë të qeverisë së kaluar përshkak intervistave të njejta, në rrugë. /Telegrafi/ /Fol/
https://www.youtube.com/watch?time_continue=75&v=scVQYE8sptE
