Një krijesë misterioze është gjendur në një det të Indonezisë, e cila ishte rreth 15 metra e gjatë dhe disa metra e gjerë dhe dyshohet të jetë ndonjë kallamar gjigant. Mbetjet e kalbura të saj ishin përhapur në ujë dhe këtë e kishte zbuluar, Asrul Tuanakota, një banor i provincës Maluku.
Kur e gjeti në mbrëmjen e së martës, 37-vjecari mendoi se krijesa e madhe ishte një varkë e mbytur. Besohet se kishte ngordhur tre ditë para se të gjendej. Gjithashtu banorët kanë hedhur dyshimet se mbeturinat mund të jenë eshtrat e ndonjë balene.
Nuk është bërë e ditur se cfarë është, ndërsa autoritetet kanë ndihmuar në largimin e mbetjeve.
