Deputeti dhe Sekretari Organizativ i Bashkimit Demokratik për Integrim, Artan Grubi, duke reaguar për zhvillimet në rastin Reket ka thënë që Vetingu është zgjidhje e situatës kritike në gjyqësor, por edhe ka përshëndetur faktin që partitë opozitare shqiptare po i bashkangjiten BDI-së duke përqafuar politikën programore të BDI për drejtësi joselektive dhe veting, shkruan TS.
“Ne e denoncuam drejtësinë selektive dhe ofruam instrumentin e vetingut për gjykatësit, prokurorët dhe politikanët për ta luftuar këtë selektivitet të porositur me tendencë politiko-koruptive. Qytetarët e pranuan dhe e përshëndetën këtë shtyllë tonën programore me bindjen që ne do t’ia dalim, ndërsa dita ditës edhe partitë opozitare po e përqafojnë dhe e vënë në përdorim narativin, politikat tona.” shkruan Grubi në Facebook.
