Kur pastron kuzhinën, merresh me vendet kryesore: banakun, lavamanin, sobën dhe dyshemenë. Por kur duhet të pastrosh vende më të vogla, zakonisht e anashkalon njërin.
Kapaku i lavapjatës është shpesh vendi më i injoruar. Mendo pak. Kur e mbush pajisjen me enë të palara, uji i papastar dhe copëzat e ushqimit prekin kapakun e lavapjatës dhe askush nuk merret me to. (Pjesa tjetër e brendshme e makinës, pastrohet gjatë procesit të larjes, por kapaku nuk merr të njëjtin trajtim.) Për të dezinfektuar kapakun dhe për të shkrirë ndonjë mbetje të ngurtë, fshije me një top pambuku me uthull të bardhë dhe vazhdo duke i rënë sipër me një copë mikrofibër të lagur.
Pasi ke mbaruar, kontrollo shpërndarësin e detergjentit. Nëse ka material të grumbulluar, ai ndalon përhapjen e detergjentit për larjet e ardhshme. Lëre pjesën e brendshme të thatë dhe përdor një detergjent për pastrimin e këtyre pjesëve në mënyrë që të pastrosh detergjentin e forcuar. Pastaj thithi copëzat e vogla të përhapur me tubin e thithës të fshesës me korent.
Një herë në muaj, hidh një filxhan uthull të bardhë në një enë xhami që lahet në lavapjatë, vendose në skarën e sipërme dhe ndize makinën që t’i japësh një freskim.
