Pothuajse 5 vjet pasi u largua nga përfaqësuesja e Suedisë, Zlatan Ibrahimoviç mund të kthehet sërish të mbajë këtë fanellë. Sipas faqes suedeze FotbollDirekt shkuan se pritet të grumbullohet nga trajneri Andersson për takimet e muajit Mars.
Paraqitja e fundit ishte më 22 Qershor të 2016 në finalet e Europianit ku Suedia u mund nga Belgjika me rezultatin 1-0. 39-vjeçari pritet të ketë mundësinë të luajë në takimet kualifikuese të Kupës së Botës 2022 me Gjeorgjinë e Kosovën dhe miqësoren me Estoninë.
Ibrahimoviç bindi jo vetëm për dëshirën për të luftuar, por edhe për formën që po kalon te Milan. Vetëm në kampionat ka realizuar 14 gola. Me Suedinë në 116 ndeshje numëron 62 gola, një rekord për vendin e tij.
