Ish-ambasadori i Holandës në Kosovë, Robert Bosch, ka reaguar sot hapur dhe në mënyrë të zëshme pas vrasjes së liderit të Iniciativës Qytetare serbe të Kosovës, Oliver Ivanoviç, duke shprehur përmes një postimi indinjatën e thellë per vrasjen e Ivanoviç, të cilin e quan një ndër të paktit që guxoi të sfidonte sistemin një partiak të instaluar nga Vuçiç në Kosovë.

“Oliveri është i vdekur, njëri nga të vetmit që guxoi të sfidonte sistemin një partiak të instaluar nga Vuçiq përmes Listës Serbe në Kosovë”, shkruan Bosch.

Duke komentuar reagimet e presidentit të Serbisë, Aleksandar Vuçiç, ish-ambasadori Holandez në Kosovë tha që këto janë reagime fallco, pasi që sipas tij, Vuçiq po derdh lot krokodili për vrasjen e Ivanoviç.

“Ju lutem mos derdhni lot krokodili Zotëri Vuçiç, duhet të pajtoheni me faktin se Policia e Kosovës tani është në gjendje që të krijojë rregulla të reja dhe ligje në veri të Kosovës”, shtoi Bosch.

Ai shkruan se shpreson thellë që FBI të ndihmojë në zbardhjen e rastit, andaj thotë se është i gëzuar që organet e rendit po instalojnë ligjin në veri të Kosovës.

Shkrimi i plotë i Bosch në Facebook:
Oliveri është i vdekur, një nga të vetmit që guxoi të sfidonte sistemin një partiak të instaluar nga Vuçiç përmes Listës Serbe në Kosovë.
Ju lutem, Zoti Vuçiç, mos derdhni lot krokodili, duhet të pajtoheni me faktin se Policia e Kosovës tani është në gjendje që të krijojë rregulla të reja dhe ligje në veri të Kosovës.
SHBA paralajmëruan për trazira dhe incidente gjatë javës së kaluar. Shpresojë thellë që FBI të ndihmojë në zbardhjen e rastit.
Oliver Ivanoviç, politikani serb nga Kosova i dyshuar për krime lufte të kryera kundër civilëve shqiptarë, së fundmi kundërshtar i Qeverisë Serbe, të udhëhequr nga Vuçiç, u vra të martën mbrëma.
Ivanoviq, që konsiderohet si njëri ndër politikanët më të përkrahur dhe më të votuar që nga paslufta në Kosovë, u qëllua për vdekje nga atentatorë të paidentifikuar deri më tani afër zyrës së tij në Mitrovicën Veriore.
Vrasja e Ivanoviç ka thelluar krizën në marrëdhëniet mes Kosovës dhe Serbisë. Delegacioni serb ka anuluar vazhdimin e dialogut, që pritej të vazhdonte të martën pas një viti pauzë. Në anën tjetër autoritetet në Kosovë kanë premtuar që do të hedhin dritë mbi këtë vrasje dhe të gjejnë e autorëve të këtij krimi.