Drejtoresha e Nismës së të Rinjve për të Drejtat e Njeriut, Anita Mitiq, ka deklaruar se ish-presidentja e Kosovës, Atifete Jahjaga “është shumë e gatshme që të shkojë në Beograd”.
Jahjaga ka refuzuar të shkojë sot në Beograd për të marrë pjesë në festivalin “Mirëdita, dobar dan”, pasi që autoritetet në Serbi nuk i kanë ofruar përcjellje dhe siguri, raporton BETA duke u thirrur në burime diplomatike, transmeton Gazeta Blic.
“Jahjaga është shumë e gatshme që të vijë në Beograd, dhe ka ardhur deri tek ajo që ne e kemi kuptuar si ndalesë për hyrje në Serbi, dhe jemi duke punuar në atë drejtim që ajo të vjen”, ka deklaruar Mitiq.Ajo gjithashtu tha se organizatorët e festivalit janë ende duke punuar në shkuarjen e Jahjagës në Beograd dhe se “ekzistojnë gjasa të mëdha që ajo të jetë aty”.“Ka ende gjasa që ajo të vijë, ndërsa informacione tjera do të marrim nesër në mëngjes”, ka shtuar Mitiq.
