Zëvendëskryeministrja dhe ministre e Punëve të Jashtme dhe Evropiane të Kroacisë, Marija Pejçinoviq-Buric, do të qëndrojë për vizitë zyrtare në Maqedoni.
Kjo vizitë e saj realizohet me ftesë të ministrit të Jashtëm të Maqedonisë, Nikola Dimitrov.
Gjatë takimit me zyrtarët maqedonas pritet të shkëmbehen pikëpamje për marrëdhëniet e përgjithshme dypalëshe, si dhe mundësitë për nxitjen e bashkëpunimit në disa fusha, me theks të posaçëm bashkëpunimi ekonomik.
Gjithashtu do të merren parasysh mundësitë dhe hapat për përparim të mëtejshëm në bashkëpunimin rajonal në kontekstin e integrimit evropian.
