ideri i BDI-së, Ali Ahmeti sonte i kumtoi emrat e ministrave dhe zv/ministrave të rinj të cilët do të jenë pjesë në Qeverinë e ardhshme me LSDM-në e Zoran Zaevit, njofton Poratlb.mk.
3 nga 5 pjesëtarët e ekzekutivit të BDI-së janë emra të njohur për opinionin pasi që më parë kanë bartur funksione të larta shtetërore gjatë qeverisjes së mëparshme të BDI-së me VMRO-DPMNE-në.
Sadulla Duraku – ministër i Ekologjisë
I lindur më 21.01.1960, shkollimin fillor e ka kryer në “Dituria”-Likovë, të mesmin në “19 nëntori” Q M Teknike- Prishtinë. Në arsimin e lartë është i diplomuar në fushën e Maqinerisë
Ka punuar si profesoir i lëndëve teknike deri në vitin 2000. Ka qenë doganier i lartë në vitet 2000-2001.
Angazhimi politik
Zv/drejtor i Doganave të RM-së
Ministër i Bujqësisë, Pylltarisë dhe Menaxhimit me Ujëra
Deputet në Parlamentin e RM-së, 2006-2010
Kryetar i Komunës së Likovës
E njeh gjuhën gjermane.
Hazbi Lika – zv/ kryeministër per Sistem Politik dhe Marredhënie midis komuniteteve
Hazbi Lika, lindi në vitin 1972 në Tetovë, është politikan shqiptarë në Republikën e Maqedonisë, ish zëvendës ministër i Punëve të Brendëshme (i emëruar më 27 qershor të vitit 2003), ish kryetar i Komunës së Tetovës (gjatë viteve 2005-2009) dhe Sekretar organizativ i Bashkimit Demokratik për Integrim. Arsimin e lartë ka mbaruar në Universitetin e Tiranës, Fakulteti i Historisë dhe Filologjisë, Depertamenti i Gjuhësisë dhe Letërsisë Shqipe.
Bujar Osmani – zv/kryeministër për integrime evropiane
Bujar Osmani ka lindur më 11 shtator 1979 dhe ka të kryer Fakultetin e Mjekësisë në Shkup.
Osmani ka titullin specialist -kirurg të cilin e ka marrë në Klinikën për Kirurgji digestive. Specializimin ai e ka përfunduar në Shkup dhe në Londër në qendrën për transplantimin e mëlçisë dhe kirurgjisë abdominale.
Gjatë mandatit të kaluar ai ka qenë ministër i Shëndetësisë, ndërsa aktualisht vepron si mjek në Klinikën e Shkupit, ndërsa është edhe zëdhënës i BDI-së.
Bylent Salihu – ministër i Drejtësisë
Salihi ka qenë anëtarë i kryesisë qendrore të BDI-së, për të tani për tani nuk ka të dhëna.
Kreshnik Bekteshi – ministër i Ekonomisë
Kreshin Bekteshi është nga Kërçova, ai studimet i ka mbaruar në Sheffield të Britanisë së Madhe.
Ai ka punuar si promotor ekonomik në Bruksel.