Edmond Ademi, anëtari i bordit ekzekutiv të LSDM-së do të jetë një nga ministrat e kabinetit të ri qeveritar të Zoran Zaev.
Ai ishte paralajmëruar edhe nga vetë Zaev se do të jetë njëri nga ministrat e kabinetit të ardhshëm, pasi nuk ishte përfshirë në listat për deputetë.
Jozyrtarisht mësohet se ai mund të jetë ministri i ardhshëm i punëve të jashtme, transmeton INA.
Edmond Ademi, nga Tetova, është i diplomuar në sociologji dhe filozofi në Universitetin Shën Kirili dhe Metodi.
Gjatë karrierës së tij ka punuar në misionet OSBE, BERZH, ambasadën amerikane, këshilltar i ministrisë së mbrojtjes gjatë një periudhe të shkurtër dhe drejtues i një Instituti hulumtimesh Liberta.