Kryeministri Albin Kurti është takuar sot në Vjenë me ndërmjetësin evropian për dialogun Kosovë-Serbi, Miroslav Lajçak.
Diplomati sllovak, në një postim në Twitter ka bërë të ditur se në takim është biseduar për procesin e dialogut.
“Sot në Vjenë pata një diskutim të thellë me kryeministrin e Kosovës, Albin Kurti, për gjendjen aktuale dhe rrugën përpara në dialogun e lehtësuar nga BE”, ka shkruar Lajçak.
Ndryshe, kryeministri Kurti do të zhvillojë një vizitë dyditore në Austri, ku pritet të takohet me kancelarin Alexander Schallenberg.
