LR-PDSH, Uniteti, RDK dhe PPD në takimin opozitar organizuar nga SHBDM.

Katër parti opozitare sot do të jenë në takimin e iniciuar nga Shoqata e të Burgosurve dhe të Dëmtuarve Shqiptarë në Maqedoni, ku pritet harmonizimi i një marrëveshje bashkëpunimi.

Siç mëson INA, në këtë takim që do të mbahet sot në mesditë në selinë e kësaj shoqate do të jenë të pranishëm, kryetari i LR-PDSH, Ziadin Sela, kryetari i Unitetit Gëzim Ostreni, kryetari i RDK-së, Vesel Memedi, kryetari i PPD-së, Abdiladi Vejseli, por edhe shoqata tjera.

“Falenderojme LRPDSH dhe PPD per konfirmim te pjesemarrjes ne takim. Presim qe BESA dhe partite e tjera opozitare jashteparlamentare shqiptare ta tejkalojne veten. Ne do ta shpalosim vetem nje propozim. Zgjidhjen e problemit me renditjen neper listat zgjedhore. Edhe ujqerit, te cilet gjate veres e vjeshtes mundet edhe ta hane njeri tjetrin dimrit bashkohen. Ju me siguri neser do te uleni me ata qe bejne projekte qe te na fshijne nga faqja e dheut dhe nuk mundeshka te takoheni me vellane t’uaj. Kunder bashkimit, kur te gjithe shqiptaret e kerkojne nje veprim te tille jane vetem ata shqiptare qe e kane lidhur kalin ne hambar te huaj. Ju presim, thuhet në mesazhin e SHBDM.