Me vendimin e Gjykatës së Strasburgut vërtetohet se Qeveria e udhëhequr nga Gruevski ka bërë shkelje të rëndë të Kushtetutës së Republikës së Maqedonisë. Kështu thuhet në kumtesën e LSDM-së, kushtuar vendimit të Gjykatës Evropiane për të drejtat e njeriut, i cili kishte të bëjë me dëbimin e gazetarëve nga Kuvendi i Republikës së Maqedonisë.

LSDM-ja më tej thotë se ky vendim, është edhe një humbje për Republikën e Maqedonisë në planin ndërkombëtar, por është edhe një humbje edhe për Gjykatën Kushtetuese e cila më herët pati refuzuar kërkesën e gazetarëve për mbrojtjen e lirive dhe të drejtave të gazetarëve. Drejtësia është e ngadalshme, por e arritshme, thuhet në kumtesën e LSDM-së.