Pesë të rinj nga Gjakova të mbështetur nga Fondacioni “Bonevet” dhe disa donatorë të tjerë, arritën pas dy vjetëve pune ta ndërtojnë një makinë elektrike.

Ata shpresojnë se projekti i tyre i quajtur “Electric Buggy” (Makinë Elektrike), do të zgjerohet në të ardhmen me qëllim të mbrojtjes së ambientit.

Të rinjtë projektues të makinës planifikojnë të ndërtojnë disa makina të këtilla dhe të njëjta të shfrytëzohen për çarshinë e vjetër të Gjakovës, ku do të ndalohej qarkullimi për veturat tjera me naftë e benzinë.

Ndërtimi i kësaj makine ka kushtuar në total 13 mijë euro.