Damjan Mançevski, nënkryetar i LSDM-së sot në një koferncë për shtyp u shpreh se Maqedonia nuk mund të lejojë më vetes VMRO- DPMNE-në!
“Patjetër duhet të ketë ndryshim të pushtetit për qindra mijë qytetarë tanë të mos e braktisin shtetin.
Duhet ndryshuar qeverinë që njerëzit të jetojnë në Maqedoni.
Sot jemi këtu për të treguar në mënyrë simbolike Nikolla Gruevskit se çfarë qytetarët mendojnë për listat e tij të deputetëve.
Sot përfunduan gënjeshtrat që DPMNE ka mësuar gabimet e vet dhe se mendon për tu ndryshuar. Me këta bartës nuk do të bindin askënd se pas sundimit katastrofik 10-vjeçar, tani diçka do të ndryshojnë.
Me listat dhe sloganin e tyre “Po fillojmë” në fakt tallen me veten e tyre. Është e qartë se po marrin fund.
Për kot është imuniteti i deputetëve. Për krimet që i kanë bërë dënimet me burg janë më të gjata se imuniteti i deputetëve.
Gruevski për një vit nuk është kryeministër. Nuk e kryen funksionin për shkak të korrupsionit dhe kriminalitetit dhe për shkak të përgjimit të paligjshëm të qytetarëve. Qytetarët e Maqedonisë kurrë nuk do të harrojnë atë.
Me këto lista dhe me bartës të tillë Nikola Gruevski do të përjetojë humbje katastrofike më 11 dhjetor!” u shpreh Damjan Mançevski, nënkryetar i LSDM-së.