Nga shtatori i këtij viti, të gjithë infermieret dhe teknikët të cilët e kanë përfunduar shkollën e lartë mjekësore ose specializimin dhe janë pajisur me arsim të tillë prej 180 përkatësisht 240 kredive, do të marrin kompensim adekuat për arsimin e tyre.

Kështu informoi ministri i Shëndetësisë Venko Filipçe, pas takimit të sotëm me drejtorët e Fondit për sigurim shëndetësor, Stevo Krstevski dhe Faton Ahmeti, kryetarin e Sindikatës së Pavarur për Shëndetësi, Farmaci dhe Mbrojtje Sociale Lubisha Karanfilovski dhe përfaqësues të Shoqatës së infermiereve, teknikëve dhe akushereve, përcjell Telegrafi Maqedoni.

Në takim është arritur zgjidhje për problemin me të cilin përballen infermieret dhe teknikët e punësuar në institucionet shëndetësore publike që nga viti 2015. Konkretisht është bërë aneks i Marrëveshjes Kolektive në përputhje me Ligjin për Kujdesin Shëndetësor dhe mënyrën në të cilën përcaktohet shuma e pagës.

Bëhet fjalë për kompensimin për arsimimin e infermiereve dhe teknikëve të cilët e kanë përfunduar shkollën e mesme ose specializimin dhe janë pajisur me arsimim prej 180 përkatësisht 240 kredi, ndërsa deri më tani arsimi nuk iu është paguar.

Në vitin 2015, u bë një mesatare me vendimin për të paguar vetëm specializimet, përkatësisht shkollat ​​e larta të atyre që i kanë mbaruar deri atëherë dhe të gjithë infermieret dhe teknikët që kanë investuar në arsimin e tyre nga viti 2015 e në vazhdim nuk mund ta vlerësojnë atë përmes pagës së tyre.

Sipas kryetarit të Sindikatës së Pavarur për Shëndetësi, Farmaci dhe Mbrojtje Sociale, Lubisha Karanfilovski, burimet njerëzore janë potenciali më i rëndësishëm në shëndetësi dhe menaxhimi dhe njohja e tyre e mirë është baza për një sistem të suksesshëm shëndetësor.

Karanfilovski sqaroi se direktivat evropiane në shëndetësi kanë për qëllim njohjen e arsimit të lartë profesional të infermiereve dhe teknikëve dhe se rekomandimi i tyre është që raporti në sistemet shëndetësore të jetë 50-50 për qind, 50 për qind e arsimit të lartë profesional me 50 për qind arsim të mesëm./Telegrafi/