Policia e Kosovës nuk ka pasur asnjë njoftim për mbajtje të liturgjisë në objektin e papërfunduar të Kishës Ortodokse serbe, e cila ndodhet në oborrin e Universitetit të Prishtinës.Kështu ka thënë drejtori i Policisë së Kosovës, Samedin Mehmeti duke shtuar se objekti kishës nuk është në mesin e objekteve të cilat ruhen 24 orë nga Policia e Kosovës.
“Nuk kemi qenë të njoftuar fare për aktivitet kishtar, Policia e Kosovës këtë objekt nuk e ka në listën e objekteve që i siguron 24 orë. Ne nuk kemi pasur asnjë njohur që në këtë objekt do të mbahet ndonjë liturgji”, ka thënë drejtori i policisë.
Drejtori i Përgjithshëm i Policisë së Kosovës po raporton para deputetëve të Komisionit për Çështje të Sigurisë dhe Mbrojtjes.Klerikë të Kishës Ortodokse Serbe kanë mbajtur liturgji fetare të enjten e kaluar në objektin e papërfunduar të kishës e cila ndodhet në oborrin e Kampusit Universitar të Prishtinës
