Deputeti i VMRO-DPMNE-së, Antonio Miloshoski nëpërmjet një postimi në llogarinë e tij ka akuzuar kryeministrin dhe liderin e LSDM-së, Zoran Zaev për dështimin e mbledhjes së mbrëmshme. Ndër të tjera ai thotë se marrëveshja mund të ishte arritur nëse kryeministri Zaev nuk do ishte shumë nervoz kur u fol për rastin “Reket”. Sipas Miloshoskit, kryeministri ka insistuar që në fillim të hetimit të këtij rasti dhe ka kërkuar që rastin ta marrë prokuroja Vilma Ruskoska.
