Në 5-vjetorin e së bijës, Aurela Gaçe zbulon edhe kuptimin e emrit të saj

Grace, në pozicionin tipik të së ëmës, siç do ta quante Aurela “Uooo motra”, krekosje vlonjate apo çdo lloj emri që do ta quani, ka pak rëndësi. Grace, sot feston ditëlindjen e saj të pestë dhe me këtë rast, në një ditë gëzimi të madh si ky, Aurela i ka shkruar një mesazh të ndjerë që e ka ndarë edhe me ndjekësit në rrjetet sociale.

bija

Pesë vjet më parë, jetët e të dyve ndryshuan, Aurelës dhe Skerdit, ashtu siç ndryshuan dhe u shuan të gjitha prioritetet para asaj krijese të vogël, e cila, sapo erdhi në jetë, mori të gjithë vëmendjen. Siç ndodh në jetën e çdo prindi, edhe ajo e Aurelës dhe Skerdit, mori një kuptim tjetër – kuptimin e emrit të saj – hiri i Perëndisë.

Në foton e postuar në Instagram, me rastin e ditëlindjes të së bijës, Aurela shkruan:

Si sot në këtë orë, 5 vjet më parë të mora në duar bashkë me babin tënd, e që nga ai moment, jetët tona ndryshuan kuptimin. Çdo gjë që bënim dikur, e bënim për vete. Tani çdo gjë që ne bëjmë, merr emrin tënd. Emrin GRACE (Grejs) HIRI I PERËNDISË. Të jesh e qeshur gjithë jetën o dashuria jonë. Nuk di se si ikin ditët e muajt e ti na rritesh para syve, nga ajo bebja e vogël, e brishtë, e bukur që mora në duar, sot më krekosesh me syzet e mia duke bërë poza. Të duam shumë, o diamanti që i dhe kuptim ҫdo sekondë që marrim frymë.