Në nivelin e BE-së, ka mesatarisht pesë shtretër spitalore për 1.000 banorë. Më shumë kanë Gjermania dhe Bullgaria me mbi shtatë, ndërsa më pak Suedia dhe Danimarka me nën 2.5 shtretër për 1.000 banorë, përcjell AIM.

Vendi ynë me 4.2 shtretër spitalor për 1.000 banorë është diku në mes. Nga rajoni, Serbia ka 5.6 shtretër spitalorë për 1.000 banorë, e ndjekur nga Mali i Zi me 3.9 dhe Shqipëria me 2.8 – në vitin 2013, për kur ka për herë të fundit të dhëna.

Sipas të dhënave të Entit Shtetëror të Statistikave, në periudhën nga viti 2008 deri në vitin 2018 në vendin tonë ka rritje të numrit të mjekëve, por rënie të numrit të shtretërve spitalorë për 1.000 banorë.

Numri i mjekëve në vitin 2018 është 6.364, nga të cilët 3.831 janë specialistë. Kështu që, numri i mjekëve për 1.000 banorë është 3.1, që është një rritje në krahasim me vitin 2008, kur kishte 2.6. Ne, sipas të dhënave për uljen e numrit të shtretërve spitalorë në krahasim me dhjetë vjet më parë, nga 4.5 për 1.000 banorë në vitin 2008, në 4.2 në vitin 2018, tregojnë të dhënat e ESHS.

Në nivelin e BE-së, numri mesatar i shtretërve spitalorë është 5 për 1.000 banorë, sipas të dhënave të Eurostat për vitin 2018. Mbi 7 shtretër spitalorë në BE në vitin 2018 kishte Bullgaria – 7.5, Austria – 7.2 dhe Hungaria – 7, ndërsa Gjermania në vitin 2017, kur janë të dhënat më të fundit, mban rekordin në BE me 8 shtretër spitalorë për 1.000 banorë. Në anën tjetër të shkallës janë Danimarka me 2.4, Italia me 3.1 dhe Greqia me 4.1 shtrat spitalor për 1.000 banorë.

Në nivelin e BE-së, Greqia ka më së shumti mjekë për 1.000 banorë – 6, e ndjekur nga Austria me 5.2 dhe Norvegjia me 4.8, sipas të dhënave të Eurostat për vitin 2018. Gjermania ka 4.3, ndërsa Spanja – 4 dhe Italia – 3.9. Në skajin tjetër të shkallës janë Mbretëria e Bashkuar me 2.8, Rumania me 3 dhe Franca me 3.1 mjekë për 1.000 banorë në 2018.

Në rajonin me më shumë mjekë, Greqia pasohet nga Bullgaria me 4.2, Kroacia me 3.4, Sllovenia me 3.1, Serbia me 2.9 dhe Mali i Zi me 2.8 mjekë për 1.000 banorë. Nuk ka të dhëna për Kosovën, ndërsa Shqipëria ka 1.2 në vitin 2013, për kur për herë të fundit kishte të dhëna.